Heimilisfang
Velja afhendingarmáta
Höfundur: Einar Már Guðmundsson

Hundadagar er leiftrandi skemmtileg saga um stórhug, vandræði, bresti og breyskleika; um menn sem sigla með himinskautum og jafnvel í kringum hnöttinn; um ástina og ástríðurnar; um allt sem er hverfult og kvikt – um þræðina sem tengja saman tímana.

Frásögnin leiðir okkur á vit Jörundar hundadagakonungs, Jóns Steingrímssonar eldklerks og fleira fólks fyrri alda sem lesa má um í heimildum en varð líka efni í þjóðsögur sem lifa enn. Og sagan er ævintýraleg – og ævintýrin söguleg: eldgos á Íslandi kveikti byltingarbál í Frakklandi sem hafði svo aftur víðtæk áhrif annars staðar …

Kannski á fortíðin brýnna erindi við samtíðina en okkur grunar?

Hundadagar eru skáldsaga, meira að segja heimildaskáldsaga þar sem heimildir eru þó notaðar á afar frjálslegan hátt. Aðalheimildir sögunnar eru sjálfsævisögur aðalpersónanna, þeirra Jörgen Jörgensen eða Jörundar Hundadagakóngs og séra Jóns Steingrímssonar, síðan ótal aðrar heimildir sem sumar eru nefndar í sögunni en aðrar ekki. Af þeim sem ekki eru nefndar í sögunni eru fjölmargar greinar Önnu Agnarsdóttur um Jörund hundadagakonung og samskipti Englands og Íslands, Eldhugi Ragnars Arnalds, Mannkynssaga 1789 – 1848 eftir Jón Guðnason, The Age of Revolution eftir Eric Hobsbawm, VI, JÖRGEN JÖRGENSEN eftir Claus Ib Olsen, Fribytteren eftir Kurt Frederiksen og leikritið Eldklerkurinn eftir Pétur Eggerz sem ég bæði sá á sviði og hafði undir höndum eintak af og vísað er í á nokkrum stöðum og tekið orðrétt úr, til dæmis bréf séra Jóns á blaðsíðu 98. Um aðrar heimildar vísast í söguna sjálfa.
Einar Már Guðmundsson

ATH. Hljóðbókin er aðeins til á geisladiski (CD eða Mp3) sem er afhentur í pósti eða sóttur í Bókabúð Forlagsins. Hér má finna hljóðbækur okkar sem eru aðgengilegar rafrænt í streymi.

4.040 kr.
Afhending