Baráttumaðurinn Svavar Gestsson segir hér persónulega og pólitíska sögu sína sem er samofin sögu Íslands í meira en hálfa öld. Þetta er saga stráks af venjulegu íslensku alþýðuheimili í borg og sveit.

Hann varð snemma vinstrisinnaður og brennandi af réttlætiskennd. Hóf kornungur störf sem blaðamaður, ritstjóri og stjórnmálamaður og varð alþingismaður, ráðherra  og sendiherra. Hann segir frá pólitískri mótun sinni, hugsjónum og hugmyndum; frá fáránleika kalda stríðsins, upphafi og endalokum Alþýðubandalagsins og endurskipulagningu vinstrihreyfingarinnar. Sagt er frá tilurð Reykjavíkurlistans og pólitískum átökum, sigrum og ósigrum, en einnig frá fjölskyldu og samferðamönnum.

Stíll Svavars er hressilegur og beinskeyttur og hristir upp í lesandanum. Hann segir hér sögu sína tilgerðarlaust og af hreinskilni og greinir frá ýmsu sem ekki hefur áður sést á prenti um pólitíska viðburði síðustu áratuga.