Hermann er frískur eins og fiskur. Hann gengur í skóla með Rúbý sem sagt er að geymi fimm fuglshreiður í rauðu hárinu. Hann á móður sem hlær svo hátt að Nesodd-báturinn strandar og klukkan í turninum á Ráðhúsinu stoppar, og hann á líka föður sem stýrir svo háum krana að hann getur séð til Ameríku og jafnvel lengra. En einn daginn, þegar Hermann er í klippingu, biður rakarinn um að fá að tala við mömmu hans og allt breytist.

Hermann er bráðskemmtileg og ljúfsár saga eftir Lars Saabye Christensen, sem um þessar mundir sá norræni rithöfundur sem nýtur hvað mestra vinsælda í heiminum. Aðrar bækur eftir Lars Saabye Christensen á íslensku eru Hálfbróðirinn, sem færði honum Bókmenntaverðlaun Norðurlandaráðs árið 2002, og Módelið.