Ensk-íslensku systurnar Áróra og Ísafold búa hvor í sínu landi og talast ekki við. En þegar mamma þeirra nær ekki lengur sambandi við Ísafold krefst hún þess að Áróra fari strax til Íslands að finna hana. Þvert gegn vilja sínum flýgur Áróra heim í nístingskalda júníbirtuna og hrollurinn magnast þegar hún áttar sig á að systir hennar er ekki bara í fýlu heldur bókstaflega horfin. Sporlaust. Er Ísafold í felum fyrir ofbeldisfullum sambýlismanni sínum eða hefur eitthvað enn hræðilegra gerst?

Helköld sól er geysivel fléttuð og hörkuspennandi glæpasaga um fjölskyldur og flókin sambönd, leynilega bankareikninga og ást á villigötum.

Lilja Sigurðardóttir hefur að undanförnu sópað að sér verðlaunum fyrir bækur sínar. Gildran var tilnefnd til breska Gullrýtingsins, einna virtustu glæpasagnaverðlauna heims, og fyrir tvær síðustu sögur sínar, Búrið og Svik, hlaut Lilja íslenska Blóðdropann og þar með tilnefningu til norræna Glerlykilsins 2018 og 2019.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Berglind Jónsdóttir les.

Hér má hlusta á brot úr fyrsta kafla hljóðbókarinnar: