Heimilisfang
Velja afhendingarmáta
Höfundur: Mikael Torfason

Óvenjuleg og áleitin saga um ást og ástleysi, kynlíf, sjúkdóma og dauða. Snörp ádeila á nútímasamfélag eftir einn athyglisverðasta og kröftugasta höfund yngri kynslóðarinnar.

Hér segir af Marteini Mána, nútímamanni á niðurleið. Hann er þriggja barna faðir í Þingholtunum, hamingju- og öryggisfíkill, markaður af erfiðri bernsku. Foreldrar hans eru af hippakynslóðinni, en sjálfur tilheyrir hann firrtri kynslóð sem sífellt á að vera hress og geysast eftir framabrautinni í góðu formi. En hann er ekki þannig. Hvert á hann að beina reiði sinni yfir vondu hlutskipti? Höfundur fer á kostum í sögu sem er í senn fyndin, tregafull og beinskeytt.

Heimsins heimskasti pabbi (2000) er þriðja skáldsaga Mikaels Torfasonar. Hún hlaut góðar viðtökur og var meðal annars tilnefnd til Bókmenntaverðlauna Norðurlandaráðs og Menningarverðlauna DV. Aðrar skáldsögur Mikaels eru Falskur fugl (1997), Saga af stúlku (1998) og Samúel (2002).

1.140 kr.
Afhending