Hugarheimar er um útsaumslistakonuna Guðrúnu Bergsdóttur (1970–2024). Bókin er veglegt yfirlitsverk yfir listferil Guðrúnar en á 18 ára tímabili gerði hún 64 útsaumsmyndir sem þar eru gerð skil með fallegum ljósmyndum auk greina um ævi og feril listamannsins. Guðrún var fædd með fötlun sem setti mark sitt á líf hennar en hindraði hana þó ekki í að gera einstök útsaumslistaverk sem vöktu verðskuldaða athygli. Guðrún tók þátt í fjölda sýninga á 20 ára ferli sínum, bæði einka- og samsýningum. Fyrir tilstilli Listar án landamæra átti hún í samstarfi við Gjörningaklúbbinn (2007), Jón B. Ransú (2011) og Eggert Pétursson (2014).

Bókin er á íslensku og ensku.