Sjómennska, mannlíf, atvinnulíf. Ættarsaga með anga  víða um land.

Sagan hverfist um hjónin Sigrúnu J. Eyrbekk og Stefán Stefánsson útgerðarmann til áratuga á Dalvík.

Stefán fæddist og ólst upp á Grenivík við Eyjafjörð og var gjarnan kenndur við uppruna sinn: Stebbi Gren.

Sigrún fæddist í Vestmannaeyjum. Móðir hennar var einstæð, faðir hennar var Jóngeir Eyrbekk, litríkur karakter í Hafnarfirði sem Jónas Árnason rithöfundur gerði þjóðkunnan með ævisögunni Tekið í blökkina. Endurminningar Jóngeirs voru gefnar út 1961.

Stefán Stefánsson sagnfræðingur, sonur Sigrúnar og Stefáns eldri, skráði sögu Grenbekkfjölskyldunnar og um leið útgerðar- og mannlífssögu í sjávarplássi á öldinni sem leið.

Dalvík er sögusviðið að hluta en að öðru leyti má rekja þræði ættar og athafna til Grenivíkur, Siglufjarðar og fleiri byggðarlaga á Norðurlandi.