Kynfæri eru ekki beinlínis ný uppfinning en ótrúlega margir vita alls ekki nógu mikið um líkama sinn. Veist þú til dæmis af hverju það er sárt að fara á túr? Er meyjarhaft til í alvöru? Af hverju finnst þér erfitt að fá fullnægingu? Hversu lengi getur maður frestað því að eignast börn?

Þessi skemmtilega og greinargóða bók geymir allt sem þú þarft að vita um kynfærin og kynlíf. Hér geturðu kynnt þér dýpstu leyndardóma snípsins, villtan hormónadans tíðahringsins og hvernig getnaðarvarnir virka á líkamann. Þú getur líka lesið þér til um algenga kyn- og kvensjúkdóma og fundið svör við spurningunum sem stundum er erfitt að spyrja.

Gleðin að neðan er fyrir alla með píku.

Læknanemarnir Ellen Støkken Dahl og Nina Brochmann halda úti vinsælli bloggsíðu sem heitir „Underlivet“. Bókin er myndskreytt af Tegnehanne, teiknara, bloggara og hjúkrunarfræðingi.

Saga Kjartansdóttir þýddi.