„Dísa stóð orðlaus og starði á meðan furðuveran skakklappaðist á fætur. Hún dró á eftir sér mjóan hala og Dísa sá ekki betur en að brotnir eða rifnir vængir héngju aftan úr bakinu. Með hverju skrefi tók musterið að titra.“

Þótt Dísa líti út fyrir að vera ósköp venjulegur menntaskólanemi er það fjarri sanni – hún er rammgöldrótt, hefur barist við skrímsli og sent öflugasta galdramann Íslandssögunnar aftur til fjarlægrar fortíðar. Núna notar hún galdramáttinn næstum bara til gamans en í gáleysi vekur hún ókunn öfl sem senda hana af stað í lífshættulegt ferðalag.

Gunnar Theodór Eggertsson hefur sent frá sér þrjár bækur fyrir börn og unglinga og hlotið mikið lof fyrir þær allar. Galdra-Dísa er sjálfstætt framhald Drauga-Dísu sem tilnefnd var til Íslensku bókmenntaverðlaunanna.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 8 klukkustundir og 52 mínútur að lengd. Álfrún Örnólfsdóttir les.