Ung ofurfyrirsæta hverfur við myndatökur á Hawaii. Blaðamaðurinn Ben Hawkins er sendur til að fylgjast með málinu og brátt kemur á daginn að í sólskinsparadísinni liggur höggormur í leyni, slóttugur og fullur kvalalosta.

Fórnarlömbunum fjölgar og þegar siðblindi morðinginn heimtar að Ben skrifi um sig bók á hann engra kosta völ – hann neyðist til þess að setjast niður og hlusta á hryllingssöguna. Og hann veit að hann verður að stöðva illvirkjann … hvað sem það kostar.

James Patterson er ókrýndur keisari amerísku glæpasögunnar, langsöluhæsti höfundur Bandaríkjanna og gríðarvinsæll um allan heim, enda kann hann sannarlega  þá list að halda lesendum í heljargreipum.

Magnea J. Matthíasardóttir þýddi.