Vorið 2025 voru 50 ár liðin frá því að fyrstu stúdentarnir voru útskrifaðir frá Flensborgarskólanum í Hafnarfirði. Skólinn á sér þó lengri sögu og afar merkilega.

Miklar breytingar hafa orðið í skólanum í gegnum tíðina, námið hefur verið í stöðugri þróun og skólinn hefur haft metnað til að taka upp nýjungar og gera breytingar sem nýst hafa samfélaginu sem best. Saga Flensborgar er samofin sögu Hafnarfjarðar og þróun menntamála á Íslandi.

Í þessari bók er sú saga rakin í máli og myndum. Þá skrifa 22 Flensborgarstúdentar minningar sínar úr skólanum og spannar sá hópur allt tímabilið, 1975-2025.