Englar Hammúrabís er æsispennandi saga um hefnd, stríð, alþjóðlega glæpastarfsemi – og ást.

Starfsmaður finnska sendiráðsins í Zagreb hverfur í kjölfar hótana. Daniel Kuisma og Annika Lehto eru send á vettvang til að grafast fyrir um afdrif landa síns. Þau finna ýmsa þræði sem virðast liggja aftur í tímann, inn í hrylling Balkanstríðsins þegar Daniel var í friðargæsluliðinu í Króatíu . . . Hvað gerðist raunverulega fyrir tuttugu árum, hverjir eru Englar Hammúrabís – og hver vill þá feiga?

Finninn Max Seeck hefur starfað að markaðsmálum en jafnframt sökkt sér af ástríðu ofan í norræna glæpasagnahefð. Englar Hammúrabís, sem er fyrsta bók hans, vakti mikla athygli í heimalandinu og hlaut Finnsku glæpasagnaverðlaunin.

Sigurður Karlsson þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 11 klukkustundir og 12 mínútur að lengd. Stefán Hallur Stefánsson les.