Þegar litlu Corgi-hundar Englandsdrottningar villast í bókabílinn nærri Buckingham-höll finnst drottningunni skylt að taka bók að láni. Skylduræknin rekur hana svo til að lesa bókina — og áður en hún veit af er hún orðin ástríðufullur lestrarhestur.

Bóklestur hennar vekur óhug og gremju við hirðina — og leiðir brátt til óvæntra og skemmtilegra atvika.

Bráðfyndin skáldsaga eftir einn af virtustu höfundum Breta.