Snillingurinn Leo Tolstoj er umkringdur fjölskyldu og lærisveinum á sveitasetri sínu. Í veröld hans togast á hugsjónir og veruleiki, annars vegar þráin eftir óbrotnu og einföldu lífi einsetumannsins, hins vegar óhamin gleði lífsnautnanna. Loks afber hann ekki lengur sitt nánasta umhverfi og leggur á flótta en lætur yfirbugast á lítilli brautarstöð. Veruleiki og skáldskapur kallast á í Endastöðinni, áhrifamikilli sögu sem farið hefur sigurför um heiminn.