Þegar Vegagerðin hættir að viðhalda veginum heim að bænum og mjólkurbíllinn kemur ekki lengur eftir nytinni úr kúnum — og Flokkurinn svíkur gefin loforð — lendir Dýrmundur Dýrmundarson Dýrfjörð í pólitískri sálarkreppu með ófyrirsjáanlegum afleiðingum. Uppgjafabóndi á mölinni, þrasgjarn þrætudraugur, lætur gamminn geisa um sveitunga sína og samfélagið, stoltur fulltrúi ættar sinnar og átthaga. „Dýrmundur er stórbrotinn og kómískur karakter. Hann er einstaklega sérlundaður og sjálfhverfur. Dýrmundur býr í okkur öllum inn við beinið