Árið 1988 rekst franski rithöfundurinn Patrick Modiano á auglýsingu frá 1941 í dagblaðinu Paris Soir: „Við erum að leita að ungri stúlku sem heitir Dóra Bruder, hún er 15 ára, 1,55 á hæð, andlitið sporöskjulagað, augun grábrún, klædd í gráan sportjakka, vínrauða peysu, dökkblátt pils og húfu, brúna íþróttaskó.“

Forvitni Modianos er vakin og hann hefur leit að stúlkunni. Sú vegferð verður til þess að hann rýnir í eigin ævi þar sem faðir hans leikur eitt lykilhlutverkið. Hryllingur liðinna tíma birtist ljóslifandi í rannsókn hans á dögum ofsóknanna; þetta ferðalag til fortíðar er í senn undursamlegt og skelfilegt.

Patrick Modiano (f. 1945) hefur sent frá sér fjölmargar skáldsögur sem hafa komið út víða um lönd. Árið 2014 hlaut hann Nóbelsverðlaunin í bókmenntum.

Sigurður Pálsson þýddi.