Dauðadjúp sprunga er snjöll og grípandi spennusaga um ógn og ofbeldi, blekkingar og trúnað. Þær fyrri eru Helköld sól, Blóðrauður sjór, Náhvít jörð og Drepsvart hraun.

Áróru líður betur eftir að lík systur hennar fannst í hraungjótu á Reykjanesi – hún getur loks hætt að leita. En málið er enn óleyst, því að kærastinn sem var talinn hafa drepið Ísafold fannst á sama stað, einnig myrtur. Og þegar Áróra fær vitneskju um óhugnanlegt atriði í tengslum við líkfundinn munar litlu að hún missi tökin á tilverunni. Til að dreifa huganum einbeitir hún sér að peningaþvættismáli sem Daníel vinur hennar er með til rannsóknar. Þar leynist þó fleira undir yfirborðinu og enn á ný liggja þræðirnir í Engihjallann, þar sem Ísafold lifði og dó …

Lilja Sigurðardóttir er einn vinsælasti glæpasagnahöfundur landsins. Hún hefur verið tilnefnd til virtra glæpasagnaverðlauna, svo sem Gullrýtingsins og Petrona-verðlaunanna, og hlotið fjölda annarra viðurkenninga. Dauðadjúp sprunga er ellefta glæpasaga hennar.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 6 klukkustundir og 41 mínútur að lengd. Elín Gunnarsdóttir les.