Heimilisfang
Velja afhendingarmáta

Þroskasálfræði er sú fræðigrein sem upplýsir okkur um hvers konar umhverfi og hvaða aðstæður eru líklegastar til að koma börnum til þroska. Bókin ætti því að nýtast vel öllum sem hafa áhuga á uppeldi og velferð barna og unglinga. Í bókinni er saga þroskasálfræðinnar rakin og sagt frá helstu frumkvöðlum og rannsóknaraðferðum. Fjallað er um líkamsþroska frá frjóvgun fram á fullorðinsár. Ítarleg umfjöllun er um greind og vitsmunaþroska, nám og námserfiðleika, mál og máltöku, félagsmótun, sjálfsmynd og samband barna við foreldra og vini. Rætt er um ýmiss konar hegðunar- og geðraskanir, svo sem kvíða, þunglyndi og átraskanir, afleiðingar
ofbeldis og eineltis og margt annað sem getur haft áhrif á líf einstaklingsins.

Þekking á þroskasálfræði getur opnað augu foreldra og forráðamanna, kennara og annarra sem að uppeldi barna koma fyrir mikilvægi þess að hlúa vel að börnum í uppvextinum.

Þroskasálfræði – Lengi býr að fyrstu gerð er ætluð til kennslu í framhaldsskólum og er efni
hennar sniðið að aðalnámskrá. Bókin er prýdd fjölda ljósmynda, skýringarmynda, grafa og línurita. Þessi útgáfa er uppfærð.

Aldís Unnur Guðmundsdóttir kenndi sálfræði í Menntaskólanum við Hamrahlíð um langt árabil.

7.270 kr.
Afhending