Mjög nett og þægilegt sett til að hreinsa borð eða önnur minni svæði. Sópurinn nær mjög vel út í öll horn og fægiskóflan þjónar einnig tilgangi ruslatunnu. Gúmmíkanturinn á skóflunni sér til þess að allt ruslið fer upp í skófluna og tennurnar á kantinum hreinsa sópinn á eftir.

Um Quirky

Quirky hjálpar almenningi við að koma hugmyndum sínum á framfæri og notar netverja til að aðstoða sig við að velja vörur til framleiðslu og hafa áhrif á hinar ýmsu ákvarðanir í framleiðsluferlinu. Niðurstaðan er sú að hluti þeirra hugmynda sem almenningur leggur inn hjá Quirky verður að fullframleiddri vöru sem seld er neytendum, m.a. í samstarfi við stórar verslunarkeðjur eins og Target, Safeway, Barnes & Nobles o.fl. Nú gefst Íslendingum tækifæri á að kaupa vörur Quirky hér á landi. Þess má til gamans geta að tvær vörur Quirky hlutu hin eftirsóttu hönnunarverðlaun "Red Dot Award" árið 2012.