Brooks Revel eru ótrúlega þægilegir! Þeir anda best af öllum skónum frá Brooks, eru mjúkir með hlutlausan stuðning. Þó skórnir séu hannaðir sem hlaupaskór henta þeir frábærlega í göngur, í vinnu og til daglegrar notkunar.

Dempunarefniðí Revel er ‘BioMoGo DNA’ sem er gel blandað saman við hefðbundna Eva miðsólaefnið veitir jafna og góða dempun í gegnum allan miðsólann.

Í Revel 4 var bætt við Green Rubber efni í skósólann með sérstöku örvamynstri sem veitir betri fjöðrun og gefur meiri kraft í fráspyrnuna. Við þessa breytingu var hann færður úr höggdempandi flokknum í flokk með fjaðrandi skóm.

Yfirbyggingin er úr‘Flat Knit’ efni sem er mjög mjúkt, nánast saumalaustog aðlagast vel að fætinum ásamt því að veita frábæra öndun. Um miðfótinn er efnið ofið þéttar til að veita aukinn stuðning án þess að þyngja skóinn eða bæta við saumum.Þægilegur stuðningur fráhælkappanum með góðri bólstrun.

Skórnir eru að sjálfsögðu með lausum innleggjum fyrir þá sem nota sérgerð innlegg.

Ótrúlega flottur, léttur og þægilegur skór á frábæru verði.

Hæðarmismunur hæls og tábergs er 8mm og vegur skórinn 228g í kvennastærð 40 og 258 grömm í karlastærð 42,5.

Áætluð ending er 600-800km. Endingin fer eftir þyngd notandans, skekkjum í fótum og álagi í niðurstigi, einnig fer endingin eftir því undirlagi sem skórinn er notaður á o.fl.