Launch er léttur og fjaðrandi skór með hlutlausan stuðning. Hann hentar ótrúlega vel í bæði styttri og lengri vegalengdir á hærra tempói. Þó skórnir séu hannaðir sem hlaupaskór henta þeir frábærlega í alhliða líkamsrækt.

Miðsólinn er úr ‘BioMoGo DNA’ sem inniheldur gelblöndu í frauðefninu og er hannað til að veita góða fjöðrun í bland við höggdempun. Hönnun miðsólans og undirsólans er að gefa þér orkuna úr niðurstiginu fljótt aftur í skrefið til að veita þér aukinn kraft í frásparkið. Svokallað ‘Midfoot Transition Zone’ í undirsólanum flýtir fyrir færslunni frá niðurstigi yfir í fráspark og stuðlar því að auknum hraða. Auk þess er þykkara fjaðrandi gúmmí (‘Blown Rubber’) undir táberginu sem veitir þéttari og meira fjaðrandi flöt í frásparkið.

Yfirbyggingin er mjög létt og andar frábærlega. Hún er tvískipt en innra lagið er nokkurs konar sokkur sem faðmar fótinn sem minnkar nudd og núning en ytra lagið er ofið misþétt eftir svæðum til að tryggja styrk og stuðning þar sem þess þarf en er teygjanlegra og mótast með fætinum í gegnum skrefið til að hámarka þægindi og öndun. Einnig er þægilegt aðhald frá hælkappanum með mjúkri bólstrun sem eykur stöðugleika í niðurstigi. Skórnir eru að sjálfsögðu með lausum innleggjum fyrir þá sem nota sérgerð innlegg.

Við mælum fyrst og fremst með þeim fyrir vanari hlaupara í hraðari hlaup, hvort sem það eru styttri eða lengri vegalengdir. Þeir eru til dæmis mjög vinsælir sem keppnisskór í heilt og hálft maraþon. Fyrir byrjendur í góðu líkamlegu ástandi myndum við mæla með að nota þá aðallega í styttri og hraðari hlaup. Einnig eru þeir góður kostur í alhliða líkamsrækt.

​Hæðarmismunur hæls og tábergs er 10mm og þeir vega 227g í stærð 40 kvenna og áætluð ending er um 600-800km