Glycerin 19 GTS er með Guiderails stuðningsramma sem gerir hann stöðugri og hentar hann því betur ef það eru skekkjur í hælum eða ökklum. Glycerin 19 GTS kemur í staðin fyrir Transcend línuna og verður um leið öflugasti styrkti skórinn frá Brooks.

Nýjasta kynslóðin af ‘Guiderails’ stuðningnum er ólíkt öllu öðru á markaðnum. Hann var hannaður fyrst og fremst með hné í huga og hvernig hnjáliðirnir hreyfast miðað við fótinn. Við innanverðan hæl og framundir iljaboga er lengri og þéttari stuðningur en við utanverðan hæl er vægari og mýkri stuðningur til að halda hælnum, ökklanum og hnénu í sem bestu samvinnandi stöðu.

Miðsólinn inniheldur DNA Loft höggdempun sem er blanda af geli og höggdempandi EVA frauðefni og nær þessi höggdempun frá hæl og alveg fram í tær. Þessi blanda veitir jafnari höggdempun óháð niðurstigi og þyngd. Hönnunin á miðsólanum er gerð til að færa álagið úr niðurstiginu út til hliðanna og minnkar þar með álag upp í stoðkerfið og ver þvi hné, mjaðmir og bak einstaklega vel.

Yfirbyggingin er úr svokölluðu ‘Engineered Mesh’ sem er ofið þéttar á þeim svæðum sem þurfa meiri styrk og stuðning en opnara á öðrum svæðum til að tryggja hámarks öndun. Sniðið á Glycerin heldur þétt að fætinum og hælkappinn er stífur og stöðugur með mjúkri og þægilegri bólstrun að innanverðu sem veitir góðan stuðning í niðurstiginu. Skórnir eru að sjálfsögðu með lausum innleggjum fyrir þá sem nota sérgerð innlegg.

Glycerin 19 GTS eru 303gr í stærð 42,5 og hæðarmismunur er 10mm.