Anna Agnarsdóttir

Haustið 1807 ríkti stríð í Evrópu og Magnús Stephensen, háyfirdómari, hafði þungar áhyggjur af ástandinu á Íslandi. Siglingar til landsins voru í hættu og því ákvað Magnús að skrifa bréf til Englands og leita þar hjálpar. Fyrir röð tilviljana varð bréfið upphafið að ótrúlegri atburðarás sem átti eftir að breyta gangi mála á Íslandi. Enskir sápukaupmenn rændu völdum í landinu og yfir það var settur danskur túlkur þeirra, Jörgen Jörgensen, sem síðar varð þekktur sem Jörundur hundadagakonungur.

Bréfið sem leiddi til byltingar fjallar um þessa ótrúlegu atburði og hinn stutta en viðburðaríka valdatíma Jörundar á Íslandi.