Hljómsveitin Botnrassa er á leið til Bretlands að keppa fyrir Íslands hönd um að komast á alheimstúr með sjálfum Justin Bieber. Andrea, Elsa Lóa, Tandri og Stjúri eru yfir sig spennt en mamma Andreu er uggandi út af fréttum af hugsanlegri hryðjuverkaógn. Krakkarnir reyna að hrista af sér þessar áhyggjur en hver er alltaf að senda þeim þessa skrýtnu tölvupósta frá netfanginu [email protected]?

Haraldur F. Gíslason sló rækilega í gegn með bókinni Bieber og Botnrassa árið 2017. Hún varð ein mest selda barna- og unglingabók ársins og hlaut mikið lof gagnrýnenda. Bieber og Botnrassa í Bretlandi er æsispennandi sjálfstætt framhald hennar.