Hvernig væri lífið ef þú ættir engar minningar? Ef þú myndir enga atburði, enga staði, ekkert fólk – þekktir ekki ástvini þína og ekki einu sinni þitt eigið andlit?

Á hverjum morgni þarf Christine að kynnast öllu upp á nýtt: Hún vaknar í ókunnugu húsi, við hlið ókunnugs manns, og þegar hún lítur í spegil mætir henni framandi sjón. Hún veit ekki hver hún er; hún man ekki neitt. Nætursvefninn rænir hana öllum minningum. Minnisleysið gerir hana berskjaldaða gagnvart misnotkun og lygum og smám saman verður ljóst að maðurinn sem vaknar með henni og útskýrir stöðuna dag eftir dag – sá sem hún treystir á – segir ekki allan sannleikann.

S. J. Watson sló rækilega í gegn með þessari mögnuðu frumraun sem hefur unnið til ýmissa verðlauna, verið þýdd á yfir þrjátíu tungumál og setið á metsölulistum austan hafs og vestan.

Jón St. Kristjánsson þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 11 klukkustundir og 51 mínútur að lengd. Þórunn Erna Clausen les.