Gunnar Eyjólfsson hefur leikið mörg dramatískustu hlutverk leikbókmenntanna á sviði og hlotið mikið lof fyrir. Ævi hans sjálfs hefur þó ekki síður verið viðburðarík og átakamikil og stundum hefur sá eldur sem á honum brennur verið heitur.

En lífið er ekki eintómt drama. Lífið er bernskubrek suður með sjó, leiklistarnám í London, dans við Bretaprinsessu, ævintýralegar leikferðir um landið, heimshornaflakk, afrískir galdramenn og sýrlenskir peningasmyglarar, leiksigrar og ógleymanlegir samferðamenn, fjölskylda og vinátta – og lífið er umfram allt trú og leit að fótfestu og lífsskoðun.

Árni Bergmann rithöfundur hefur skráð einlæga og eftirminnilega frásögn Gunnars af næmi og stílfimi.