ALTER EGO

Á friðsælu sumarkvöldi finnst maður með stungusár í bíl sínum. Henrik Levin og Mia Bolander hjá lögreglunni í Norrköping koma skömmu síðar á vettvang á heimili þar sem fyrrverandi eiginkona mannsins og sonur þeirra hjóna hafa verið myrt. Dóttir þeirra á táningsaldri lifir af en svo virðist sem ætlunin hafi verið að drepa alla fjölskylduna. Sönnunargögn benda til þess að faðirinn sé sekur en dóttirin, sem varð vitni að morðárásinni, fullyrðir að faðir hennar sé saklaus.

Jana Berzelius saksóknari leiðir rannsóknina en glímir á sama tíma við drauga fortíðar sinnar. Höfuðandstæðingur hennar, Danilo Peña, fer huldu höfði á flótta undan óþekktum launmorðingja. Jana hefur sjálf alla tíð viljað Danilo feigan en er nú sú eina sem getur bjargað lífi hans.

ALTER EGO er áttunda bókin í flokknum um Jönu Berzelius.

Sigurður Þór Salvarsson þýddi.