Bráðskemmtileg saga sem segir frá viðburðaríku páskafríi nokkurra barna hjá afa og ömmu á Ísafirði. Bærinn skartar sínu fegursta í blíðuveðri og nóg er af snjó til að fara á skíði og byggja snjóhús. Allir fara á hátíðina Aldrei fór ég suður, meira að segja músin Blær, og þar gerast ýmis atvik, bæði spennandi og rómantísk.

Ævintýrapáskar er þriðja bók Guðlaugar Jónsdóttur en hún var tilnefnd til Íslensku bókmenntaverðlaunanna fyrir bók sína Í huganum árið 2021. Bækur Guðlaugar eru kjörnar til samlesturs barna og fullorðinna.