Grand Bateau-vínin eru einhver hagstæðustu kaup í Bordóvínum. Grand Bateau er samstarfsverkefni Château Beychevelle Cru Classé í Saint-Julien og vínmiðlarans [fr. négociant] Maison Barrière.Heiti vínanna [ís. Mikli bátur] tengist skipinu á miðanum, hinni goðsagnakenndu galeónu Château Beychevelle. Gárungarnir telja að mynd skipsins hafi verið stílfærð til að líkjast kínverskri júnku, til að ganga í augun á viðskiptavinum á Asíumarkaði.Ch. Beychevelle er mikils metið vínhús og leggur metnað í Grand Bateau-vínin.Vínunum er ætlað að vera opin og aðgengileg þegar þau koma á markað, með ferskum, skærum ávexti og tilbúin til að njóta með hversdagsmatnum.Grand Bateau Blanc er gert úr 100% Sauvignon Blanc. Ljóst og frísklegt með ilmi af sítrus og suðrænunm ávöxtum og fersku aðlaðandi bragði af greipaldini, ferskjum og votti af vanillu í lokin.Það passar einstaklega vel með steiktum fiski [e. fish and chips], skelfiski og geitaostum.