Hvað er Veganúar?

Veganúar er stærsta vegan-hreyfing í heiminum í dag og hvetur fólk til að prófa að vera vegan í janúarmánuði og helst auðvitað til frambúðar.

Hvers vegna vegan?

Fyrir flest er dýravernd aðalástæðan fyrir vegan lífstíl. Niðurstöður úr könnunum sýna að heilsa er næstalgengasta ástæða þess að fólk gerist vegan.

Ekkert kólesteról er að finna í jurtaríkinu og veganismi getur stuðlað að bættu jafnvægi líkamsþyngdar, lækkað blóðþrýsting og dregið úr líkum á sykursýki og hjartasjúkdómum, svo eitthvað sé nefnt.Það að fá öll helstu næringarefnin úr fæðunni er auðvelt þegar þú ert vegan. Fjölbreytt vegan fæða er lykilatriði.

Góð þumalputtaregla er að borða á hverjum degi alla liti regnbogans og restin sér um sig sjálf. Að gerast vegan er auðveldasta og áhrifaríkasta leiðin til að hafa jákvæð áhrif á náttúruna.

Texti (Veganúar.is)