Vissirðu að landkönnuðurinn Kristófer Kólumbus heimsótti Snæfellsnes áður en hann sigldi til Ameríku? Hafðirðu hugmynd um að alvöru geimfarar æfðu sig í hrauninu við Mývatn fyrir fyrstu tungllendinguna? Og vissirðu að það er til fjall sem heitir Baula?

Ævar vísindamaður sló í gegn með spennandi vísindaþáttum fyrir börn og unglinga. Hér setur hann Ísland undir stækkunarglerið, ferðast hringinn í kringum landið og rannsakar allt sem fyrir augu ber. Í bókinni eru tilraunir sem þú getur gert heima hjá þér eða á ferðalögum – og líka tilraunir sem gera sig sjálfar og eru tilbúnar þegar þú kemur heim úr fríinu!

Skrítin, skemmtileg og forvitnileg bók sem er ómissandi fyrir ferðalanga – hvort sem þeir ferðast með bíl, bát, á hjóli eða bara í huganum.