Horfinn eiginmaður, kafbátaumferð í Reykjavíkurhöfn að næturþeli og ímyndunarveikur unglingur. Allt eru þetta óvæntar hliðar á nýju máli sem vinirnir Linda Lilja og Gabríel sogast inn í. Þau eru ekki hinir dæmigerðu spæjarar, bæði stödd á tímamótum í lífi sínu og hafa nóg á sinni könnu. Engu að síður ákveða þau að reyna að komast til botns í atburðarás sem vekur villtar spurningar um gullleit, njósnir og ýmislegt fleira. Svörin koma á óvart þótt þau ættu að liggja í augum uppi.

Fyrsta glæpasaga Önnu Ólafsdóttur Björnsson, Mannavillt, kom út 2021 og var vel tekið. Þar þótti kveða við nýjan tón í íslenskri glæpasagnagerð með ævintýralegri frásögn og óvenjulegu sögusviði. Í Óvissu leitar Anna á önnur mið, ekki síður nýstárleg.