Breyttu iPad-num í ferðatölvu!

Þráðlaust Bluetooth 3.0 lyklaborð úr burstuðu áli sem passar fyrir iPad 2. Þunnt og létt en þó sterkbyggt. 

Vandaður Bluetooth móttakari/sendir sem dregur allt að 10 metra. Innbyggð endurhlaðanleg lithium rafhlaða sem endist í allt að 55 tíma (60 daga í "standby")  og tekur 4-5 tíma að hlaða.  Lyklaborðið er um 300 gr. að þyngd.  Hleðsla fer fram með því að tengja það við USB tengi með snúru sem fylgir með.

Hægt er að leggja iPadinn ofan á lyklaborðið og smellur hann þá inn í það líkt og verið sé að loka ferðatölvu.  Lyklaborðið styður smart sleep/wake virknina í iPadnum sem gerir það að verkum að hann slekkur/kveikir sjálfkrafa á sér þegar honum er smellt inn í / út úr lyklaborðinu.

Lyklaborðið er með enskum stöfum en styður alla íslensku stafina með sérhnapp eins og fullbúið lyklaborð (límmiðar fyrir íslenska stafi fylgja ekki). Leiðbeiningar á ensku fylgja með. 

Á lyklaborðinu eru eftirfarandi sérhnappar:

• Heim (Home button)
• Leit (Spotlight)
• Birtustilling
• Myndir (Photos)
• Kveikja og slökkva á lyklaborði á skjá
• Velja tungumál lyklaborðs
• Takkar til að stjórna tónlist
• Hækka og lækka
• Eject (ef lyklaborðið er notað með tölvu).

Hægt er að nota lyklaborðið með flestöllum tækjum sem styðja Bluetooth, en það er þó sérhannað fyrir iPad 2.  Athugið að iPad 1 passar ekki í raufina á lyklaborðinu.