Gerðu vel við þig og þína og komdu austur í kyrrðina við fljótið. Yndisleg upplifun á Gistihúsið - Lake Hotel Egilsstaðir. Gisting í tveggja manna herbergi með baði og ljúffengu morgunverðarhlaðborði í eina nótt ásamt einstökum þriggja rétta kvöldverði í Eldhúsið Restaurant og aðgang í Baðhúsið Spa fyrir tvo.

360° skoðunarferð um hótelið 

• Gildir frá 6. Janúar til og með 31. Mars 2017
• Hægt er að fá barnarúm (0-2 ára) í öll herbergi án endurgjalds.
• 6 af herbergjunum eru hönnuð með þarfir fatlaðra í huga.

Eldhúsið Restaurant er vandaður og framsækinn veitingastaður sem hefur bæði séríslenska og alþjóðlega matargerð á boðstólum. Þjónustan er persónuleg og hráefnið í matargerðina ferskt, staðbundið og af bestu fáanlegu gæðum sem völ er á hverju sinni. Metnaður og alúð eru megineinkenni Eldhússins; líkt og hótelið sjálft er matargerð þess sprottin úr traustum hefðum, en hráefnin gjarnan sett í nýtt samhengi svo útkoman verður eftirminnileg.
Það er ósk Eldhússins að þið njótið ástúðlegrar matargerðar og góðrar þjónustu í einstöku umhverfi veitingastaðarins og að stundin verði ykkur eftirminnileg.

Baðhúsið Spa er með heitri smálaug (40°C),  mildri sánu sem sameinar kosti eimbaðs og gufubaðs þar sem hitastigið er um 65°C og rakastigið um 60%, köldum potti (10°C) og hvíldarsvæði innan og utan dyra. Einkar fallegt  útsýni er yfir Lagarfljót frá heilsulindinni. Lögð er áhersla á rólegt, slakandi og endurnærandi umhverfi. Gestir hafa aðgang að búningsklefum og fá baðslopp og handklæði til afnota. Panta má veitingar af sérstökum SPA-seðli sem liggur frammi.

Gistihúsið Lake Hotel Egilsstaðir er svipmikið hótel með öllum nútímaþægindum en um leið er það hlýlegt og umvefjandi. Gestir geta valið um velbúin og rómantísk antík-herbergi í eldri hlutanum eða nýtískuleg og stílhrein herbergi yngri byggingarinnar. Sameiginlegt rými er í móttökusal og er þar einnig glæsilegur bar með góðu úrvali drykkja. Veitingastaður hótelsins, Eldhúsið – Restaurant, hefur getið sér orðs og eru metnaður og alúð þar allsráðandi. Matargerðin er sprottin úr traustum hefðum, en hráefnin gjarnan sett í nýtt og framsækið samhengi. Hráefni er ætíð fyrsta flokks, að mestu íslenskt, gjarnan lífrænt og oftast fengið úr næsta nágrenni, enda er leitast við að nýta og kynna afurðir úr héraði. Austfirskar krásir og Beint frá býli eru þar í öndvegi.
Glæsileg heilsulind, Baðhúsið – Spa, er á jarðhæð hótelsins,  með heitri smálaug, sánu, köldum potti og hvíldarsvæði innan og utan dyra. Einkar fallegt  útsýni er yfir Lagarfljót frá heilsulindinni. Lögð er áhersla á rólegt, slakandi og endurnærandi umhverfi.
Gistihúsið Lake Hotel Egilsstaðir er innan vébanda félagsins Ferðaþjónustu bænda. Starfsfólk er um 40 manns; einvalalið sem hefur vellíðan og ánægju gestanna í fyrirrúmi.
Gunnlaugur og Hulda ásamt börnum sínum bjóða þér að njóta gestrisni og góðs aðbúnaðar í fögru umhverfi við Lagarfljót og vona að þú njótir dvalarinnar.