Hjá Eins og Fætur Toga starfar reynslumikið fagfólk sem hefur sl. 10 ár tekið nálægt 50.000 íslendinga í göngu- og hlaupagreiningu. Eins og Fætur Toga vinnur náið með íþróttahreyfingunni og fagaðilum í heilbrigðisstétt.

Göngugreining er framkvæmd með hlaupabretti, upptökubúnaði, tölvu- og myndvinnsuforriti, RSscan tölvuþrýstiplötu og stafrænu hallamáli eftir þörfum.

Tilboðsverð fyrir börn (að 16 ára aldri) 1.990 kr. (fullt verð 4.990 kr.)

Tilboðsverð fyrir fullorðna 2.395 kr. (fullt verð 5.990 kr.)

Fyrir hverja?

Göngu- og hlaupagreining er fyrir alla sem eru með einkenni í baki, mjöðmum, nára, hnjám, framan á leggjum, ökklum og hælum.  Einnig fyrir þá sem fá sinadrátt eða eymsli í kálfa/iljar eða tær, aflaganir á fæti s.s. auka bein og óeðlilegan vöxt beina. Göngugreining er mikilvæg fyrir alla þar sem álag er mikið á fótum.

Hvað er skoðað?

Skekkjur í hælum, ökklum og hvernig álagið er upp í hné, mjaðmir og bak. Mislengd ganglima er mæld, athugað með lausa liði, tábergssig, ilsig og hvort fitupúðar í hælum og tábergi eru í lagi.

Búnaður

Göngu- og hlaupagreining er framkvæmd með hlaupabretti, upptökubúnaði, tölvu og myndvinnsluforriti.  Notast er við  RSscan hátækni tölvuþrýstiplötu og stafrænt hallamál.

Hvað er til ráða eftir göngugreiningu?

• Ráðleggjum um skóbúnað fyrir vinnu og frístundir.
• Leiðréttum skekkjur og mislengd með sérsmíðuðum innleggjum.
• Leiðréttum mislengd með þar til gerðum púðum og/eða hækkunum á skóm.
• Byggjum undir táberg og / eða il ef um tábergs- eða ilsig er að ræða.
• Mælum með hitahlífum / spelkum ef þarf.
• Vísum á lækni eða sjúkraþjálfara eftir þörfum.

Eftirfylgni

Viðskiptavinur getur komið í endurmælingu eftir 12 -16 vikur ef hann hefur þurft innlegg eða hækkun vegna mislengdar ganglima.  Gerð er endurmæling til að staðfesta fyrri mælingu og/eða ganga úr skugga um að ekki hafi orðið breyting á þessum tíma.  Ef innleggin eru að plaga á þessum 12-16 vikum getur viðskiptavinurinn komið til okkar í Bæjarlind, fengið viðtal hjá sérfræðingi og lagfæringu á innleggjum sér að kostnaðarlausu.

Landsbyggðin

Hægt er að kaupa göngugreiningu hér á Aha.is og nýta hana þegar starfsmenn Eins og fætur toga koma í viðkomandi bæjarfélag. Í mars og apríl verður m.a farið á eftirfarandi staði: Akranes, Borgarnes, Ólafsvík, Grundarfjörð, Stykkishólm, Patreksfjörð, Ísafjörð, Bolungarvík, Hólmavík, Hvammstanga, Blöndós, Sauðárkrók, Siglufjörð, Dalvík, Akureyri, Húsavík, Vopnafjörð, Egilsstaði, Neskaupsstað, Eskifjörð, Reyðarfjörð og Höfn. 

Vikuna 22 - 26. febrúar verður starfsfólk Eins og fætur toga á Selfossi, í Vestmannaeyjum, Reykjanesbæ og á Akranesi. 

Verslun Eins og Fætur Toga

Verslun Eins og Fætur Toga er staðsett að Bæjarlind 4 í Kópavogi, fagfólk sér um skógreiningu, skóráðgjöf, skósölu og sölu fylgihluta. Starfsfólk ráðleggur um hlaupafatnað og fylgihluti fyrir hlaupara, ráleggur og setur í skó vörur fyrir fætur s.s. tábergspúða, upphækkanir, sérsmíðuð og stöðluð innlegg aukþess að breyta skóm ef þess þarf. Eins og Fætur Toga sérhæfir sig í sölu á gæðavörum og leggur metnað í góða þjónustu og sanngjarnt verð. Við tökum vel á móti þér!