Kristín Arngrímsdóttir gefur út í samstarfi við Blekfélagið prósabókina Glampa sem byggir á endurminningum hennar frá uppvaxtarárunum á prestsetrinu Odda á Rangárvöllum.
Í þessu smáprósasafni dregur hún upp myndbrot af staðnum, fjölskyldu og nágrönnum og leiðir lesandinn inn í sterkan myndheim úr minningarbrunni bernskunnar.

Áður hafa komið út eftir Kristínu Arngrímsdóttur barnabækur og smásögur og hún hefur fengið ýmsar viðurkenningar fyrir skrif og sem myndhöfundur.