Innifalið í verði er gisting fyrir einn með aðgang að golfhring á Þverárvelli á Hellishólum, aðgangur að heitum potti og frítt í sund á Hvolsvelli.

Á Hellishólum er glæsilegur 18 holu golfvöllur sem árnar Þverá og Grjótá renna í gegnum. Þverárvöllur er krefjandi og skemmtilegur, umkringdur glæsilegri náttúru. Einnig er lítill skemmtilegur par 3 völlur sem hentar vel byrjendum og þeim sem vilja æfa stutta spilið. Golfklúbburinn Þverá er með starfsemi sína á Þverárvelli. Klúbburinn er aðili að Golfsambandi Íslands. Þverárvöllur er par 71 og er lengd hans frá gulum teigum 5.323 m.

Veitingastaður er á Hellishólum sem selur kvöldverðarhlaðborð og morgunverðarhlaðborð. Panta þarf í það á staðnum. 

Val um 3 gistimöguleika: Herbergi á Hótel Eyjafjallajökli, Herbergi á gistiheimili Hellishóla eða 15 - 40 fm2 sumarhús.

Dagsetningar sem eru í boði:

• 16.maí laugardagur
• 17.maí sunnudagur
• 18.maí mánudagur
• 19.maí þriðjudagur
• 20.maí miðvikudagur
• 21.maí fimmtudagur
• 22.maí föstudagur
• 23.maí laugardagur
• 24.maí sunnudagur (hvítasunnudagur)
• 25.maí mánudagur (annar í hvítasunnu)
• 26.maí þriðjudagur
• 27.maí miðvikudagur
• 28.maí fimmtudagur
• 29.maí föstudagur
• 30.maí laugardagur
• 31.maí sunnudagur 

Hellishólar eru í um 10 km fjarlægð frá Hvolsvelli og einungis um rúmlega klukkutíma akstursfjarlægð frá Reykjavík. Þegar komið er á Hvolsvöll er skilti í enda bæjarins á vinstri hönd sem vísar inní Fljótshlíð. Keyrt er inní Fljótshlíðina í um 10 mínútur þar til komið er að skilti á hægri hönd, merkt Hellishólar.

Áhugaverðir staðir í næsta nágrenni

Njáluslóð: Hellishólar standa mitt í sögusviði Brennu-Njálssögu. Sögusetrið á Hvolsvelli hefur að geyma mikinn fróðleik fyrir þá sem vilja fræðast meira um Njálu.

Fjórhjól: Hellishólar eru í samstarfi við fjórhjólaleigu þar sem boðið er upp á ferðir með leiðsögumanni

Reiðhjól: Á Hellishólum er reiðhjólaleiga með og án leiðsögumanns

Skógasafn: Byggðasafnið á Skógum, undir Eyjafjöllum, hefur að geyma ýmsa fornmuni; allt frá sjaldgæfum fornmunum til húsa og skipa.

Tumastaðaskógur: Skógræktarstöð í eigu ríkisins er starfrækt að Tumastöðum. Þar er fallegur skógur með merktum gönguleiðum og göngustígum. Tumastaðir eru við Fljótshlíðarveg.

Áhugaverðir staðir: Hægt er að fara í dagsferðir á áhugaverða þjóðþekkta staði eins og Gullfoss og Geysir, Seljalandsfoss og Emstrur.