Dagurinn byrjar eins og allir aðrir dagar í lífi hinnar 13 ára gömlu Áróru. Hún er alein inni í glerhvolfinu, í litlum heimi þar sem ekkert skorti – nema félagsskap. En svo kemur hún auga á dökkan kollinn á Rökkva og allt breytist. Hún flýr úr þessari lokuðu veröld út í harðan veruleikann þar sem nýr heimur bíður hennar og kynngimögnuð atburðarás fer af stað. Gegnum glervegginn er æsispennandi saga eftir Ragnheiðu Gestsdóttur, einn fremsta barna- og ungingabókahöfund þjóðarinnar. Hún hefur hlotið margvíslegar viðurkenningar fyrir verk sín, meðal annars Norrænu barnabókaverðlaunin.

Veröld gefur út.