Næst á eftir tei og vatni er bjór vinsælasti drykkur jarðarbúa og nánast hvert land jarðar á sína sérstöku bjórsögu. Á síðustu áratugum hefur áhugi á bjórmenningu og bjórgerð aukist víða um lönd eftir því sem örbrugg­ húsum hefur vaxið fiskur um hrygg og framboð af fjölbreyttum bjórtegundum aukist.

Á 120 tegundum fer lesandinn umhverfis jörðina í leit að sífellt magnaðri bjórum og stórbrotnari hefðum og kynnist í leiðinni sögu þessa undradrykks sem hófst í korngeymslu fyrir botni Miðjarðarhafs fyrir 9000 árum. Með ævintýralegum teikningum eftir Rán Flygenring er heimsreisan fullkomnuð og þorstinn er vakinn við hvert fótmál.

• Bjór - Umhverfis jörðina á 120 tegundum.
• Höfundar: Stefán Pálsson og Höskuldur Sæmundsson.
• Teikningar gerði Rán Flygenring.
• Lýsing: Höskuldur Sæmundsson og Stefán Pálsson hafa um árabil kennt í Bjórskólanum þar sem áhugasamir nemendur eru fræddir um bjórstíla, brugghefðir og bragð. Þeir miðla nú af þekkingu sinni í fyrstu bjórbókinni sem kemur út á íslensku í áraraðir. 
• Útgefandi: Crymogea, 256 bls., 2014.

Crymogea - Fegurðin býr í bókum

Við lifum í sjónrænum heimi. Við höfum myndir fyrir augum alla daga. En það er ekki sama hvernig hið sjónræna er sýnt. Við hjá Crymogeu trúum því að bækur séu leið til að skilja, njóta og upplifa það sem myndlist, ljósmyndun og hönnun hafa upp á að bjóða. Hinn ríkulega og stórbrotna heim myndanna.
Í bókum sameinast heimildagildi, varanleiki og fegurð og þar lærum við að meta hvað er góð ljósmynd, hvað er áhrifarík list, úthugsuð bygging eða falleg hönnun.
Við byggjum á samstarfi við frábæra ljósmyndara, framúrskarandi listamenn og snilldarhönnuði, fólk sem er í fremstu röð á sínu sviði. Aðeins þannig tryggjum við að almenningur fái í hendur bækur þar sem fegurðin býr.
Leiðarljós okkar er einfalt: Aldrei að slá af kröfum. Alltaf að stefna að því besta. Þannig þjónum við best viðskiptavinum okkar um allan heim.

Crymogea rekur verslun og sýningarrými á Barónsstíg 27. Sækja má bókina á milli kl 12 og 15, alla virka daga.