Í Betri stofu Lauga Spa er einstakt tækifæri til að endurnæra líkama og sál. Fyrsta flokks heilsulind þar sem slökunar- og lækningarmáttur íslenska vatnsins er í hávegum hafður.

Gjafabréfið er sent með tölvupósti skömmu eftir kaup. Á bréfinu eru helstu upplýsingar auk inneignarnúmers en verð kemur ekki fram. Þú prentar svo út gjafabréfið og gefur.

• Mán - Fim: 06:00 - 23:00 
• Fös: 06:00 - 23:00 
• Lau: 08:00 - 21:30 
• Sun: 08:00 - 19:30

Baðstofa Lauga

Laugar Spa er glæsileg fyrsta flokks heilsulind með baðstofu að evrópskri fyrirmynd þar sem slökunar- og lækningamáttur vatnsins er í hávegum hafður. Þegar inn í baðstofuna er komið tekur við nýr heimur, sniðinn til að endurnæra líkama og sál. Samspil vatns, listar og hönnunar skipa þar veigamikið hlutverk. Misheitar blautgufur og þurrgufur með mismunandi ilmum, nuddpottur með jarðsjó, heit og köld sjóböð og sérstakar fótalaugar ásamt sex metra breiðum fossi sem hægt er að baða sig undir.

Gufubað

Í Baðstofunni eru alls sex gufur hver með sínu þema. Hver gufa hefur sinn einstaka ilm og má m.a. anda að sér sítrónu, piparmyntu og lavender svo eitthvað sé nefnt. Ákveðið þema einkennir þær og þar má m.a. heyra fugla- og lækjarnið, upplifa stjörnuhvolfið sem og sólarupprisu eða hverfa til austurrísku bjálkakofanna.

Nuddpottur

Nuddpotturinn er byggður úr graníti þar sem hægt er að láta þreytuna líða úr sér með upphituðum sjó eða hvíla þreyttar fætur í þar til gerðum fótlaugum. Þeir sem vilja ferska upplifun skella sér í heit og köld víxlböð í sérútbúnum klefum.

Hvíldarherbergi

Hvíldarherbergi Baðstofunnar er draumi líkast þar sem íslenskt landslag prýðir veggina ásamt kínversku graníti og listaverkum Sigurðar Guðmundssonar, að ógleymdum arninum sem prýðir miðju stofunnar.

Veitingastaður

Vert er að minnast á veitingaaðstöðuna í Baðtofunni í Laugum. Þú getur trítlað í sloppnum eða á handklæðinu og fengið þér hressandi og svalandi drykk - eða léttar veitingar og notið þín í fallegu umhverfi.