Í bókinni, Bærinn brennur, rekur sagnfræðingurinn Jón Hjaltason brunasögu Akureyrar frá upphafi til stóra verksmiðjubrunans á Gleráreyrum í janúar 1969.

Sagan er sögð í máli en ekki síður ljósmyndum sem eru á fjórða hundrað og hafa margar aldrei komið fyrir almenningssjónir.

Þannig er brugðið upp ljóslifandi myndum, ekki aðeins af eldsvoðum á Akureyri heldur einnig af mannlífi, sögu einstakra húsa og þróun byggðar.