Hvernig fór ofvirkur strákur frá Akureyri að því að leiða íslenska karlalandsliðið í knattspyrnu út á völl í lokakeppni EM og HM?

Aron Einar Gunnarsson opnar sig upp á gátt í þessari mögnuðu bók og lesandinn fylgir honum frá fyrstu skrefum yfir á stærsta svið heims þar sem hann glímdi við menn á borð við Ronaldo, Griezmann, Modrić og Messi. Sigrarnir eru margir en Aron ræðir einnig opinskátt um þá ákvörðun að fórna því að vera viðstaddur fæðingu sonar síns, að verða skúrkur eftir ummæli í fréttaviðtali og líkamlegu og andlegu þrekraunirnar sem fylgja álaginu í boltanum.

Einstök innsýn í líf atvinnumannsins, ævintýri landsliðsins sem öll þjóðin fylgdist með og það sem gerist bak við tjöldin þegar myndavélarnar eru fjarri.