Um tilboðið:

Innifalið í tilboðinu er aðgangur að þrautabraut Adrenalíngarðsins fyrir einn 

Má bjóða þér mikið, dálítið eða lítið adrenalin?

Adrenalingarðurinn á Nesjavöllum býður upp á skemmtilega, og ekki síst uppbyggilega afþreyingu og útivist í fallegri náttúru. Dagskráin tekur 2 tíma.

Adrenalingarðurinn er risa stór þrautabraut þar sem hægt er að finna ólíkar þrautir í mismunandi hæð. Víða um heim eru garðar sem þessir mikið aðdráttarafl fyrir einstaklinga og er fjölskyldufólk þar í miklum meirihluta. Reynslan hingað til er sú að börn og unglingar elska þessa tegund af útivist, pabbarnir neita að fara heim og mömmurnar brosa hringinn.

Adrenalingarðurinn hefur sannað sig sem góð leið til að efla hópandann. Hann hentar því vel fyrir ýmsa hópa s.s. starfsmenn fyrirtækja, vinahópa og skólahópa. Í garðinum fær fólk óviðjafnanlegt tækifæri til að upplifa gleði, styrkleika og hvatningu, að ógleymdri útivistinni.

Í Adrenalingarðinum ættu allir að geta fundið eitthvað við sitt hæfi. Margir halda að þrautirnar í garðinum henti ekki öllum en hann er einmitt hannaður með það í huga að fólk hafi val og finni þá áskorun sem hentar.

Í þrautabrautinni eru 45 þrautir (35 nýjar) í 1 metra hæð,  5 metra hæð og 10 metra hæð. Hver og einn velur í hvaða hæð hann vill byrja en síðan er hægt að fikra sig áfram í stærri áskoranir. Í Adrenalingarðinum er ný svifbraut (85 m.). 

Auka kostir

Í garðinum eru einnig risaróla, 12 metra há. Rólan hefur verið feykilega vinsæl allt frá byrjun en fáir standast þá áskorun að skella sér í eina risaróluferð. Róluna þarf að bóka sérstaklega og kostar aukalega í hana.