Southdoor býður upp á gistingu og dagsferð í Þórsmörk sumarið 2020.

Þú velur þá gistingu sem hentar þér best og rútuferð fram og til baka í Þórsmörk á laugardeginum er innifalin. Gestir eru á eigin vegum í Þórsmörk og geta hagað seglum eftir vindi og notið náttúruperlunnar á þann hátt sem hentar þeim best. 

Í boði eru allar helgar frá og með miðjum júní til loka ágúst. Komið er á föstudegi, farið inn í Þórsmörk á laugardegi og svo haldið heim á sunnudegi. 

Brottför í Þórsmörk er laugardaga kl: 09.30 frá Árhúsum á Hellu 

Brottför frá Þórsmörk er kl: 16.00 þann sama dag. 

Í boði eru fjórir tveir gistimöguleikar: 

- Hótel Skógar - 20.000 kr. (innifalið; gisting á mann, í tvær nætur og rúta fram og tilbaka). - UPPSELT

- Hótel Hella - 17.500 kr. (innifalið; gisting á mann, í tvær nætur og rúta fram og tilbaka). - UPPSELT

- Sumarhús Árhúsa á Hellu - 15.000 kr. (innifalið; gisting á mann, í tvær nætur og rúta fram og tilbaka).

- Tjaldsvæði Árhúsa á Hellu - 8.500 (innifalið; gisting á mann, í tvær nætur og rúta fram og tilbaka).

Árhús Hellu

Árhús samanstendur af 35 bústöðum á bökkum Rangár Ytri í jaðri Hellu. Árhús er staðsett við þjóðveg 1 og er í 100 km fjarlægð frá Reykjavík. Bústaðirnir eru að mismunandi stærðum en mögulegt er að bóka 7 manna 27m2 bústað, 20m2 fjögurra manna bústað niður í 16m2 tveggja manna bústað.  Allir bústaðirnir eru búnir baðherbergi og eldhúsi. Staðsetning Árhúsa er einsdæmi þar sem Ytri Rangá ein gjöfulasta laxveiðiá landsins liðast framhjá. Mögulegt era ð fara í stutta göngu eða nýta sér víðáttuna til að fara í lautarferð. Í Árhúsum finnur þú sveitarómantíkina ómengaða.

Tjaldsvæði Árhúsa við Hellu

Tjaldsvæði Árhúsa er eitt grónasta tjaldsvæði suðurlands. Tjaldsvæðið er staðsett á bökkum Ytri Rangár á Hellu. Tjaldsvæðið er um 4 hektarar og er því nægt rými fyrir alla ferðalanga og er búið fjölda rafmagnsstaura fyrir ferðavagna og húsbíla. Stutt er í sundlaugina á Hellu sem og alla þjónustu.

Á tjaldsvæði Árhúsa eru tvö salernishús með heitu og köldu rennandi vatni. Einnig er aðstaða fyrir uppvask, losun ferðasalerna útigrill og útiborð. Tjaldsvæðið er mjög fjölskylduvænt og má afmarka fyrir smærri hópa sem vilja koma sér fyrir. Við viljum taka fram að við bjóðum hundaeigendur sérstaklega velkomna og gerum ráð fyrir að þeir virði umgengisreglur.

Meðfram Ytri Rangá er gönguleið þar sem má skoða fossa árinnar. Ægissíðufossi til suðurs og Árbæjarfoss til norðurs. Áin er jafnframt ein gjöfulasta laxveiðiá landsins og má fylgjast með veiðimönnum krækja í þann stóra.