Þol og slökunarnámskeið

Fyrir hverja ?

Námskeiðið er fyrir alla sem vilja bæta sig á æfingum hvort sem þeir eru að hjóla, hlaupa, lyfta eða stunda aðrar íþróttir. Einnig fyrir þá sem eru með prófkvíða, spenntir eða eiga erfitt með að halda ræður eða ná slökun.

Námskeið sem ólympíufarar fara á til að auka getu sína.

• Myndir þú vilja bæta súrefnisupptöku þína?
• Jafna þig hraðar á milli æfinga?
• Læra að halda púlsinum niðri?
• Hafa stjórn á spennustiginu?  

Námskeiðið er haldið í GG-sport 22. ágúst og stendur í 3 klst.

Aðaláherslan á þessu námskeiði verður á kennslu í að bæta súrefnisupptöku, flýta fyrir recovery í stuttum pásum og á milli æfinga. Kennd verður púlsslökun, rétt öndun fyrir, á meðan og eftir æfingar. Einnig eru kenndar sérstakar teygjuæfingar fyrir lungu, þind og millirifjavöðva, spennulosun ásamt mörgu öðru sem hjálpar okkur við æfingar og að takast á við erfiða hluti. Nýlegar rannsóknir sýna að ólympíufarar í hinum ýmsu greinum sem hafa farið á álíka námskeið hafa bætt getu sína um 2-3% og má ganga út frá því að getuaukning hjá okkur hinum sé mun meiri.

Grunnurinn úr því sem kennt er kemur úr fríköfun, en fríköfun er það sjósport sem er í hvað mestri uppsveiflu í mörgum löndum Evrópu og mikið af þeirri tækni sem notuð er í fríköfun nýtist mjög vel við allar aðrar íþróttir og hreyfingu.

Kennari námskeiðisins er Birgir Skúlason frá Freedive Iceland sem er með alþjóðleg kennararéttindi í fríköfun frá AIDA og SSI (www.freedive.is)

Mjög góð gjöf handa öllu íþróttafólki, þeim sem eru með prófskrekk og í streytumiklum störfum

Komandi hlaup.

24.08.2017 - Fossvogshlaup Hleðslu
26.08.2017 - Ultra Valley Run
26.08.2017 - Súlur Vertical
26.08.2017 - Tindahlaup Mosfellsbæjar
28.08.2017 - Hálendishlaupið Fire and Ice Ultra
31.08.2017 - Hreppslaugarhlaupið
02.09.2017 - Vestmannaeyjahlaupið
02.09.2017 - Hengill Ultra
10.09.2017 - Globeathon
14.09.2017 - Hausthlaup UFA
16.09.2017 - Volcano Trail Run
23.09.2017 - Hjartadagshlaupið