Húðslípun er mjög áhrifarík og örugg húðmeðferð sem er framkvæmd með demants húðslípitæki. Um er að ræða heildræna húðmeðferð án skurðaðgerðar.
Meðferðin er framkvæmd með þeim hætti að ysta lag húðarinnar er fjarlægt með notkun örsmárra kristalla og demanta. Áferð húðarinnar verður stinnari,fallegri, mýkri og sléttari.

Húðslípun er meðferð sem hentar öllum aldri og er örugg fyrir allar húðgerðir. Strax eftir fyrstu meðferð fær húðin ferskan blæ, verður þéttari, mýkri, hreinni og unglegri.

Þessi einstaka húðmeðferð lætur húðina þína líta betur út og endurheimta ljómann sinn. Húðin verður mýkri, sléttari og unglegri. Meðferðin fjarlægir dauðar húðfrumur og örvar vöxt nýrra frumna og bandvefs. Meðferðin bætir áferð og vinnur gegn öldrun húðarinnar. Eldri húðin sem var farin að þynnast þéttist og styrkist.

Á meðan á meðferð stendur verða stöðugar framfarir og er sjáanlegur munur eftir hvert skipti. Húðslípun er meðferð sem hentar öllum aldri og húðtegundum, frá unglingum og upp úr.

Mælt er með að teknar séu þrjár meðferðir með viku til tveggja vikna millibili til að ná sem bestum árangri. Fyrir mjög óhreina húð er mælt með að taka að lágmarki sex skipti. Fyrir örótta húð er mælt með sex meðferðum til að ná sem bestum árangri. Áætlaðar meðferðir á húðsliti og örum eru að lágmarki 6 skipti með 3 vikna millibili.