Ekið er inn Úlfarsárdalinn, framhjá Hafravatni, inn Þormóðsdal og upp Hafrafellið.  Ekið er yfir á og um vegaslóða upp á Úlfarsfell. Þegar upp er komið er útsýnið yfir Reykjavík og nágrenni stórkostlegt og tilvalið að stoppa og njóta áður en haldið er til baka. 

• Mæting til ATV Reykjavík í Úlfarsárdalinn í Reykjavík 15 mín fyrir brottför.
• Hámark 5 hjól í hverri ferð.
• Gallar, hanskar og hjálmar eru á staðnum, gott að koma í góðum skóm.
• Ferðirnar eru kl. 13 og 17 alla daga.
• Aldurstakmark er 6 ára fyrir farþega, ökumenn þurfa að hafa ökuskírteini.

Um fyrirtækið

Fjórhjólaferðir Reykjavíkur ehf reka hjónin Kristján Jónsson og Hulda Rós Hilmarsdóttir. Þau búa á Úlfarsfelli 3 þaðan sem ferðirnar byrja. Á bænum eru þau svo með hesta, kindur, hænur, hunda og kött, og um að gera að fá að klappa þeim að ferð lokinni. Tekið verður vel á móti þér og þínum. 

Nánari upplýsingar og myndir má sjá hér.