Hungaria City Center

Nútímalegt hótel sem byggir á aldagamalli hefð, staðsett við eina aðalgötuna í Búdapest.

Á þessu hóteli er veitingastaður og bar ásamt lítilli heilsulind (spa), greiða þarf aukalega fyrir aðgang í heilsulindina en þar er heitur pottur og hægt að bóka í nudd.

Unnt er að tengjast þráðlausu interneti (Wi-Fi) á sameiginlegum svæðum hótelsins og í herbergjum.

Hér eru 437 herbergi og 31 svítur en herbergin eru hlýleg og snyrtileg í dæmigerðum hótelstíl, með teppi á gólfum. Öll herbergin eru með loftkælingu, sjónvarpi, fríu aðgengi að þráðlausu interneti (Wi-Fi) síma og minibar, þá er hér einnig herbergisþjónusta í boði. Á baðherbergjum er hárþurrka og sturta. Flest herbergin eru reyklaus en hægt er að óska eftir herbergi þar sem má reykja, þegar komið er á hótel. Ekki eru öryggishólf á öllum herbergjum en það má einnig óska eftir herbergjum með öryggishólfi.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.
Þá má nefna að þó að hótel bjóði aðgengi að interneti er vert að taka fram að internetsamband getur verið hægt og höktandi á ákveðnum álagstímum.

Á gististöðum hér þarf að greiða ferðamannaskatt en skattinn greiða ferðamenn á viðkomandi gististað fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Ferðaskrifstofur geta ekki innheimt skattinn.

Leiðbeiningar

• - Þú kaupir tilboðið hér á Aha.is
• - Verð: 69.900 á mann miðað við tvo fullorðna í herbergi, samtals 139.800 kr. 
• - Brottför: 4. okt - Heimkoma: 8. okt.
• - Haft er samband við þig stuttu síðar með upplýsingar um ferðina og farseðla
• - Verð miðast við gistingu í standard herbergi

Innifalið í verði:

• - Flug og flugvallaskattar
• - Hótel
• - Innritaður farangur 23 kg og handfarangur 10 kg á mann