Haustsól – Lengdu sumarið til Kanarí á aðeins 119.900 á mann í 18. daga frá 11 til 29 október á Roque Nublo í íbúð með einu svefnherbergi.

Flug og gisting innifalið í verði. Bóka þarf akstur sértaklega hjá Heimsferðum í síma 595 1000

Gran Canaria eru einn alvinsælasti áfangastaður Evrópubúa yfir veturinn, enda er þar að finna eitt besta loftslag í heimi, milt og gott veður með jöfnu hitastigi árið um kring. Á Gran Canaria eyjunni er að jafnaði 20─25 stiga hiti á daginn yfir vetrarmánuðina.

Enska ströndin er stærsti strandstaður Gran Canaria en þar er upplifun að fylgjast með iðandi mannlífinu. Götulistamenn, tónlistarmenn, sölufólk, sólbrúnir ferðamenn og þéttsetin útikaffihúsin. Á daginn er strandlífið í algleymingi en þegar sólin sest niður fyrir hina gylltu sandkletta Maspalomas, þá sýnir það sig að veitinga- og skemmtistaðir Ensku strandarinnar eru nánast jafnmargir stjörnunum á hinum kanaríska nátthimni.

Skammt frá Ensku ströndinni, við hina þekktu Maspalomas-eyðimörk, er Maspalomas. Þar er einstök upplifun að ganga í gylltum sandbylgjunum og á frábærri ströndinni. Maspalomas er rólegri staður en Enska ströndin og allar aðstæður fyrir fjölskyldur eru frábærar, auk þess sem Enska ströndin er örskammt undan.

Á Ensku ströndinni og á Maspalomas er nóg að gera í fríinu, fjöldi góðra veitingastaða á hverju horni, skemmtistaðir, áhugaverðar kynnisferðir, góðir golfvellir, frábær íþróttaaðstaða og síðast en ekki síst er ótrúlega ódýrt að kaupa mat og drykk. Þá er einnig unnt að versla á Gran Canaria en í höfuðborginni Las Palmas er að finna fjölda verslana ásamt Primark. Þá er einnig El Mirador verslunarmiðstöðin skammt frá Ensku ströndinni eða í 35 mínútna akstursfjarlægð en þar má m.a. finna verslanir H&M, Zara, Berska, Stradivarius, Mango, Pull & Bear, ásamt Primark. Það er engin furða að til Gran Canaria fari þúsundir ferðamanna í hverri viku til að njóta þessa og flýja veturinn á Íslandi.

Flugtími: 5-6 klst.
Gjaldmiðill: Evra
Tungumál: Spænska
Tímamismunur: +1 klst. á sumrin, sami tími á veturna
Akstursfjarlægð frá flugvelli: Um 30 mínútur.

Roque Nublo á Playa del Ingles hefur verið einn vinsælasti gististaður Heimsferða til margra ára og heldur vinsældum sínum ár eftir ár. Vinsældirnar hafa skapast vegna staðsetningar hótelsins ─ en þeir sem kjósa að vera hvað næst Yumbo Center dvelja hér aftur og aftur.

Roque Nublo hefur sem áður segir verið einn vinsælasti gististaður Heimsferða undanfarin ár, þó ekki vegna íbúðanna, sem eru í eldri og einfaldari kantinum, heldur vegna staðsetningarinnar. Hótelið er þó smátt og smátt að taka í gegn eina og eina íbúð, en vert er að taka fram að Heimsferðir ráða ekki staðsetningu sinna farþega á hótelinu og því geta farþegar okkar allt eins verið í eldri íbúðum eins og nýuppgerðum.

Staðsetning Roque Nublo er hreint út sagt frábær, í hjarta Ensku strandarinnar, rétt fyrir ofan Yumbo Center.

Allar íbúðir eru m/1 svefnherbergi, stofu, baði, eldhúsi og svölum. Móttakan er opin allan sólarhringinn og garðurinn er skjólgóður, með góðri sundlaug – en garðurinn opnar kl.10.00 á morgnana.

Veitingastaðir eru við hótelið og örstutt er í alla þjónustu. Sjónvarp og öryggishólf gegn greiðslu er í íbúðum.

Þá er þráðlaust internetaðgengi (Wi-Fi) á öllu hótelinu, en einnig eru 2 tölvur niðri í móttöku sem hægt er að nota gegn greiðslu.

Athugið að myndir af gististöðum á heimasíðu Heimsferða eru opinberar myndir gististaðanna til að gefa hugmynd um hvernig umhorfs er á gististaðnum og svæðinu en Heimsferðir geta ekki tryggt að ekkert hafi breyst frá því að þær voru teknar.