Aðgerðir Aha.is vegna Covid-19

Aðgerðir á Grensásvegi

Vinnustöðvum Aha.is á Grensásvegi hefur verið skipt upp og starfsfólk aðskilið. Þannig umgangast bílstjórar ekki starfsmenn þjónustuvers. Innstimplun bílstjóra er skipt upp og samgangur þeirra á milli takmarkaður. Þeir starfsmenn sem unnið geta heima gera það og á það við um nær allt starfsfólk á skrifstofu. Starfsfólki í þjónustuveri er skipt á 2 vaktir sem hittast ekki. 

Engir fundir eru haldnir á Grensásvegi og engar heimsóknir leyfðar.

Leiðbeiningar um handþvott og aðrar leiðbeiningar vegna Covid-19 hafa verið hengdar upp og áhersla er lögð á handþvott og hreinlæti.

Þrif á skrifstofu, kaffistofu og bílakjallara hafa verið aukin og eru allir snertifletir sótthreinsaðir mjög reglulega, sérstaklega á milli vakta.

Hitatöskur eru sótthreinsaðar á milli vakta.

Aðgerðir vegna bíla og bílstjóra

Bílstjórar hafa fengið leiðbeiningar um hreinlæti og farið er eftir leiðbeiningum landlæknis. Áhersla er lögð á handþvott og hanga leiðbeiningar uppi um slíkt.

Sprittbrúsi er í öllum bílum og spritta sendlar hendur vandlega á milli sendinga. Allir snertifletir bílsins sem og símar eru sótthreinsaðir á milli vakta og bílarnir allir sótthreinsaðir af fagaðilum reglulega. 

Bílstjórar forðast snertingu við viðskiptavini og leggja frá sér sendingar á jörðina þar sem viðskiptavinur tekur við þeim á meðan sendill heldur 2ja m. fjarlægð. Þegar afhent er í sóttkví eru pokar lagðir fyrir utan dyr og bílstjóri hringir í viðskiptavin þegar hann er kominn aftur inn í bíl. 

Ekki er tekið við fjölnota innkaupapokum á meðan samkomubann er í gangi. 

 

Karfan þín

Augnablik...
Vinsamlega bættu a.m.k. 1 hlut í körfu

Augnablik